Final. Así se pode calificar o partido de mañá entre quizabes as dúas maioresdecepcións desta liga. Dúas plantillas que no comezo de tempada foron confeccionadas para polo menos poder aspirar ao ascenso, pero diversos problemas e a competitividade deste grupo fixeron que agora se este loitando por un obxectivo bem distinto, a permanecia na 2B.

Chega o Lega ao Couto tras empatar a pasada xornada contra o Alcorcón logo de desaproveitar unha vantaxe de dous goles a favor. O equipo pepineiro ocupa nestes momentos a 16ª posición, posto de promoción de descenso, a 2 puntos de CD.Ourense. É por iso porque a victoria mañá é un imperativo xa que un rival directo como o Leganés distanciaríase dos vermellos en 5 puntos, provocando unha situación máis dramática aínda. Ademáis a victoria significaría probablemente a saída de postos de descenso, xa que Negreira e San Isidro enfróntanse nesta xornada a rivais tan potentes coma a UD.Las Palmas e o Vecindario.

Pero CD.Ourense nom o terá fácil, se a plantilla xa estaba bastante debilitada polas baixas por sanción de Sanromán e Pablo López, Anxo é seria dúbida para ocupar o posto de interior dereito, o mesmo que David Pérez, que hoxe resentiase de novo da súa última lesión e a súa participación no partido de mañá peligra seriamente. Para o posto de central, acompañando a Aloisio, Tomé podería apostar por Cesar, xove valor da canteira ourensana que defendeu o posto con bastante autoridade nos partidos da Copa Federación.Outro que podería entrar de central sería Dacosta, colocandose entón Fran Caínzos de carrileiro esquerdo.

Así,a espera das posibles baixas por lesión, Tomé podería apostar por este once: Moncho;Dacosta,Aloisio,Cesar,Manuel Ángel;Sueiro,Currás,Padín,Anxo;Oscar Martínez e Rubén Durán.

Pola súa banda, o Leganés de Luis Ángel Duque nom poderá contar con Dani Hernando nin con Rebollo, ambos sancionados pola súa expulsión o pasado domingo ante o Alcorcón.Tampouco poderá estar o lesionado Castillejo.